SEETHA

                                                                   సీత
 ఆర్యపుత్రా , మీరు వెళ్లి రండి . సీత అంది .
 నువ్వూ వస్తావా ?అడవిలో రాళ్ళూ రప్పలూ ముళ్ళూ వుంటాయి .అయినా నేను వుంటానుగా ----స్వప్నాలు వర్షిస్తూ మనం కలసి ఉండవచ్చుగా .నువ్వు రా .
  ఏది నాలుగేళ్లే గా అరణ్యవాసం ? సీత చ్చేప్పింది   పర్వాలేదు .ఆ కాలం కొన్ని వీడియో సినిమాలు చూస్తూ గడిపేస్తాను . విసుగు ఉండదు .అందువల్ల ఆర్యపుత్రా వీడియో లైబ్రరీలో ఒక మెంబెర్షిప్ ఏర్పాటు చేయండిన కోసం .
  శ్రీరాముడు ముందుకు సాగాడు .
    కైకేయి కుర్చీ వద్ద కూర్చుని మంధర మళ్ళి నవ్వింది .
                                                                మలయాళ మూలం :  పారక్కడవు
                                                               తెలుగు సేత            : ఎల్ .ఆర్ .స్వామి .

--------------------------------------- చినుకు మాస పత్రిక  జూలై 2012 ---------------------------

khareethu

                                                                 ఖరీదు
            అతడు నాతో ఇలా అన్నాడు .శాఖాహారం తిని విసుగు వచినందువల్ల మేకమాంసం గురించి బయలుదేరాడట .మేకమాంసం అమ్మే దుకాణంలో అసలు రద్దీ లేదు .కానీ తన ఆరు నెలల జీతంకన్నా కిలో మాంసం ఖరీదు ఎక్కువట .అందువల్ల హతాసుడువై మాసం కొనకుండానే వెనక్కువస్తూ వుంటే రోడ్డుమీద ఒక గుంపు కనపడిందట .ఆసక్తితో జనాన్ని తోసుకుంటూ ముందుకు సాగాడు .ఎవ్వరో అతనికి ఒక పొట్లం ఇచ్చారు .ఆ పొట్లం పైన నెత్తుటి మరక ఉండటం గమనించి అది  మేక మంసమేనని అనుకున్నాడు అయినా తను అడగకుడానే ఎందుకు ఇచ్చారని ఆశ్చర్యబోయాడు .అదే మాట అడిగాడు
           అడగకపోయినా ఇస్తాం అని అన్నారు .డబ్బు ఇవ్వబోయాడు .
        ఎవ్వరికి కావాలిరా నీ డబ్బు ?బలే వచ్చాడొకడు
      తల దించుకుని పోట్లంతో ఇల్లు చేరాడు .ఆ రోజు మొదటిసారిగా మనిషిమాంసం తాలూకు రుచి తెలిసింది అతనికి .
                                                                    మలయాళ మూలం :పారక్కడవు
                                                                   తెలుగు సేత : ఎల్ .ఆర్.స్వామి
----------------------------- చినుకు మాసపత్రిక  జూలై  2012. -------------------------------------

kagitampadava

                                                          కాగితం పడవ
                                 ఆ రోజు నీ ఏడుపు ఆపడంకోసం కా గితంపడవ చేసి నీకిచ్కాను .అయినా నువ్వు ఏడుపు ఆపలేదు .
                          నాకు వాన కావాలి .వాన కురిపించు నువ్వు ఎడ్చావు .వానలో కాగితం పడవ వదలాలని పెచీపెట్టావు .
                         నేడు నువ్వు ఆ నాటి చిన్న పిల్లాడివి కాదు .నువ్వు ఏడవట మూ లేదు .అయినా నీ కళ్ళలోని అక్షరాలు ఇలా చెబుతున్నాయి .
                          నా నిట్టూర్పులు ఆవిరిగా ఫై కి  లేచి మబ్బులుగా గుమిగూడుతాయి                                                                             ఇప్పుడు కన్నీరు వర్షించి ప్రపంచం మునుగుతుంది ప్రళయం వస్తుంది .భాష లేని మాటలు ద్వారా నువ్వు అంటున్నావు ----ఈ జీవిత సాగరం దాటడానికి ఒక పడవ చేసి ఎయీ ఈయి .
                                                                         మలయాళ మూలం : పారక్కడవు
                                                                        తెలుగు సేత :   ఎల్ .ఆర్ .స్వామి .
------------------------------------ చినుకు మాస పత్రిక జూలై 2012.---------------------------

meedhavi

                                                              మేధావి 
                                                                           మలయాళ మూలం : పారక్కడవు
                                                                           తెలుగు సీత :  ఎల్.ఆర్ .స్వామి .
              ఇంటి వరండాలో కూర్చుని ఫ్రెంచ్ భాషలోని ఒక కవిత అనువాదం చేస్తున్నాడు రచయిత .
                  వాకిటిలో ఏదో అలికిడి ఆయనట్టు అనిపించి తలెత్తి చూసాడు .ఎదురుగా నిలబడి వున్నాడు ఒక ముష్టివాడు .పీకుకుపోయన మోము భుజం మీద బట్టల మూటతో --
                 అతన్ని ప్రస్నార్ధకంగా చూశాడు రచయిత 
           మూడు రోజులనుండి ఏదీ తినలేదయ్య .ఏదైనా వుంటే ---- అని నీరసంగా నసిగాడు ముష్టివాడు .
           వెంటనే రెండు కవితా సంపుటాలు ఇచ్చాడు రచయిత.సంపుటాల అట్టల మీద ఇలా రాసివుంది
          ఆకలితో అలమటించే మానవుడా పుస్తకం అందుకో .అదొక ఆయుధం .
            ముష్టివాడు వెంటనే అంగడిలో కి పరుగు తీసాడు .పుస్తకాలను తూకం వేసి అమ్మేసి ఆ డబ్బుతో టీ బన్ను కొనుక్కున్నాడు
----------------------------------- విపుల మొన్త్లీ  జూలై 2012 -----------------------------

నేను పిచ్చివాడిని

                                                                    నేను పిచ్చివాడిని 

నేనొక పిచ్చివాడిని 

స్నేహతత్వ మెరిగినా

స్నేహాన్ని స్నేహించే పిచ్చివాడిని

స్నేహం మోసగించ టానికి ఒక ఆయుధం

ఎదుటివాడిని ఓడించడానికి బ్రహ్మాస్త్రం

స్నేహమొక సన్నాయి

శ్రావ్య రాగాలు పలికే సన్నాయి

పిల్లలని గంగిరెద్దులుగా ఆడించటానికి

తల్లితండ్రులకదొక సన్నాయి

స్నేహమంటే  తోబుట్టువులకు 

నిరంతర సేవ

జీవిత భాగస్వామికి, స్నేహం

ఒక వంతెన,

ఇటు రాక కోసం

వాడని వంతెన ,

ఇమ్మనే నోటితోనే 

పొమ్మనే స్నేహం పిల్లలిది

నాకు తెలుసు 

స్నేహతత్వం ఇదేనని 

అయినా,

నేను స్నేహాన్ని స్నేహిస్తున్నాను

ఎందుకంటే 

స్నేహ పూర్ణిమ లేని బ్రతుకు

చమురు లేని భూగోళం 

అందుకే

నేనొక పిచ్చివాడిని

స్నేహ తత్వమెరిగినా

స్నేహాన్ని స్నేహించే పిచ్చివాడిని 

..........................................................ఎల్.ఆర్.స్వామి 

(2005 రామా కవితల పోటీలో సాధారణ ప్రచురణకు స్వీకరించిన కవిత "చినుకు" జూలై 2007 లో ప్రచురితమైనది ) 

నా ప్రయాణం

మనిషిగా సాగనివ్వండి.....

మల్లెల మబ్బులతో దోబూచులాడి 

అనంత వాయువులో తేలియాడి 

విహరించే నన్ను 

ఈ నేలకు లాగిన దెవ్వరు?

ఈ ఊబిలోకి తోసింది ఎవరు ?

నా విమానం నేలను తాకగానే 

నా చుట్టూ కాపలా 

దారి పొడుగునా మార్గ నిర్దేశకులు 

భుజం మీద కండువా

ఒకటా, రెండా ఎన్నెన్నో!

కుల మత నామధేయపు కండువాలు!

బయట ఇరువైపులా కంచె

కళ్ళకు గంతలు

అటూ ఇటూ చూడనివ్వని ప్రయాణం

ఇవి నేను భరించలేను 

ఈ గంతలు తీసేయండి 

కంచెలు తీసేయండి

నా కండువాలు తీసేయండి

నాకు, లోకం చూడాలని వుంది .

బీడు భూములకు వాన చినుకునై 

శిశిర కాలపు లతలకు వసంతానినై

ఆషాఢ మాసపు కరి మబ్బులకు 

దరహాస చంద్రికనై

సాగాలని ఉంది

చివరికి అలసి సొలసి అడుగులు తడ బడి

భూమిలో పడి నిదురించే వేళ

నాకు తెలుసు--

కాపలా ఉండదు, కండువాలు ఉండవు 

మార్గ నిర్దేశకులూ ఉండరు 

నా పక్కన నాకు తోడై 

నాతో పడి ఉండేది 

నాలాంటి నగ్న మనిషి మాత్రం

అందుకే నన్ను

మనిషిగా సాగనివ్వండి

...................................ఎల్ .ఆర్.స్వామి 

"నవ్య" వర పత్రికలో ముద్రితమైన కవిత 

అగ్ని చుంబనం

అగ్ని చుంబనం 

చెడు చూడొద్దన్నారు 

ఇక చూసే దేముంది ?

చూడటం మానేసాను 

ఇక వినేదేముంది ?

వినటం మానేసాను   

                                చూపు వినికిడి లేని మనిషి 

                                మూగవాడు కావటం సహజం 

                                అందుకే, నాకిప్పుడు పెదవి పెగలటంలేదు

                               మనసు నిద్రలో ఉంది, మొద్దు నిద్రలో ఉంది

                               స్పందన లేదు, చనిపోతున్నాను.

బీతవారిన పుడమి పెదవిని 

ముద్దాడే తోలి చినుకులు

పక్కలోని ప్రియురాలి బుగ్గపై

విరిసే లేలేత గులాబీలు

పసిపాప పెదవుల పైన జాజిపూలు

                                                భూమి గర్భం చీల్చి లేచే 

                                                విత్తనపు పసి పాదాలు 

                                                బాంబులను బలైన నేస్తాలు

                                                వాన, నెత్తుటి వాన 

                                                గండిపడిన జీవితాల కన్నీటి వరదలు

                                               ఏవీ నన్ను కదిలించావు

నిద్రలో ఉన్నాను , మోహ నిద్రలో ఉన్నాను 

ధనకనక వస్తు వాహనాల పద్మవ్యూహంలో 

మౌన నిద్రలో ఉన్నాను , కోన ఊపిరితో ఉన్నాను 

నన్ను బ్రతికించండి

ఒక అగ్ని చుంబన మిచ్చి బ్రతికించండి 

అగ్ని చుమ్బనమంటే 

అమావాస్య చీకటిలో క్షణిక విలువిచ్చే 

మతాబుల చుంబనం కాదు 

                                                           పుట్ట్టలోని నాగుపాము బెదరని 

                                                           తాటాకు టపాకాయల చుంబనం కాదు 

                                                           వేల వేల టన్నుల టి.ఎం.టి ల విస్పోటనం  కావాలి 

                                                           నేను మేలుకొనే అగ్ని చుంబనం కావాలి 

                                                           ప్రపంచం మేలుకొనే అగ్ని చుంబనం కావాలి